Ekologiya və Təbii Sərvətlər Nazirliyinin Milli Hidrometeorologiya Xidmətinin məlumatına görə, dekabrın 29-da Abşeron yarımadasında hava şəraitinin sabit keçəcəyi, meteoroloji amillərin mülayim tərəddüd göstərəcəyi gözlənilir.
“Tehsil365” xəbər verir ki, Bu isə meteohəssas insanlar üçün əsasən əlverişli sayılan meteoroloji şəraitin formalaşacağı deməkdir.
Mütəxəssislər bildirirlər ki, meteohəssas insanlar – xüsusilə ürək-damar, tənəffüs yolu xəstəliklərindən əziyyət çəkənlər və yaşlılar üçün havadakı kəskin dəyişikliklər müəyyən narahatlıq yarada bilər. Lakin sabahkı gün ərzində gözlənilən temperatur və təzyiqin sabitliyi, həmçinin külək və rütubət səviyyəsinin normada olması bu riskləri minimuma endirəcək.
Belə günlərdə meteohəssas şəxslərin özlərini daha rahat hiss etməsi, gündəlik fəaliyyətlərini daha məhsuldar şəkildə yerinə yetirməsi mümkün olur. Həkimlər yenə də belə insanlara təmiz havada gəzməyi, bol maye qəbul etməyi və gərgin fiziki işlərdən uzaq durmağı tövsiyə edirlər.
Qeyd edək ki, meteoroloji şəraitin mülayim tərəddüdü havadakı parametrlərin insan orqanizminə təsirinin zəif və ya neytral olması anlamına gəlir. Bu isə ümumi sağlamlıq fonuna mənfi təsir göstərmir və narahatlıqların yaranması ehtimalı aşağı olur.