“Milli Kino Tariximizdən” rubrikasında növbəti təqdimat 1956-cı ildə çəkilmiş “O olmasın, bu olsun” filmidir. Bu il filmin ekranlaşdırılmasının 70 ili tamam olur.
"Tehsil365" xəbər verir ki, Filmin əsası Azərbaycanın müasir musiqi sənətinin banisi Üzeyir Hacıbəylinin eyniadlı operettasına əsaslanır. 1910-cu ildə yazılmış bu musiqili komediya bəstəkarın ikinci operettasıdır və Azərbaycan ədəbiyyatında klassik səviyyəyə yüksəlmiş ən yaxşı komediyalardan biri sayılır.
Görkəmli rejissor Hüseyn Seyidzadənin quruluş verdiyi film “Bakı” kinostudiyası tərəfindən istehsal olunub. Əsərdə mütərəqqi və köhnə dövr qüvvələri arasında dramatik mübarizə ön plandadır. Zamanın geridə qalmış simaları – borclu Rüstəm bəy, tacir Məşədi İbad, “millətrərəst” Həsənqulu bəy və digərləri köhnəliyi təmsil edir. Əksinə, yeni əxlaqi və mütərəqqi idealları gənc tələbə Sərvər və Gülnazın obrazları canlandırır.
Filmin 70 illik yubileyi Azərbaycan kinosunun zəngin tarixində mühüm mərhələ kimi qeyd olunur.