“Tehsil365” İnformasiya Agentliyinin layihəsi olan “Şəhidin səsi” proqramının fevral ayı üçün hazırlanan üç buraxılışı Xocalı soyqırımına həsr olunacaq. Buraxılışlar 24, 25 və 26 fevral tarixlərində yayımlanacaq.
“Tehsil365” xəbər verir ki, proqramlarda Xocalı faciəsinin dəhşətli həqiqətləri, günahsız qurbanların taleyi, şəhidlərimizin sönməyən səsi və tariximizə həkk olunan ağrı bir daha xatırladılacaq. Layihənin məqsədi təkcə anmaq deyil, həm də həqiqətləri gələcək nəsillərə çatdırmaq və Xocalıya ədalət çağırışını davam etdirməkdir.
Xocalı – insanlığa qarşı törədilmiş ağır cinayətdir və yaddaşımızda qanayan bir yaradır. Şəhidlərimizin xatirəsi qarşısında baş əyirik. Allah bütün şəhidlərimizə rəhmət eləsin.