Aprelin 29-da Azərbaycan Dillər Universitetinin Beynəlxalq Münasibətlər və Regionşünaslıq fakültəsinin Qafqazşünaslıq və Azərbaycan tarixi kafedrasının təşkilatçılığı ilə seçmə fənlərin təqdimatına həsr olunmuş onlayn infosessiya keçirilib.
İnfosessiyada Qafqazşünaslıq və Azərbaycan tarixi kafedrasının müdiri t.f.d., dos. X. Z. Hacıyeva, prof. İ. Kazımbəyli, kafedranın professor-müəllim heyəti və Qafqazşünaslıq ixtisasının I, II, III kurs tələbələri iştirak ediblər.
Fənn üzrə mütəxəssis prof. İbrahim Kazımbəyli II kurs tələbələri üçün keçirilməsi nəzərdə tutulan “Qərbi Azərbaycan torpaqlarının tarixi” fənni haqqında geniş məlumat verib. Daha sonra “Azərbaycanın müasir dövlətçilik tarixi”, “Region (Qafqaz) ölkələrində din”, “Region (Qafqaz) ölkələrinin turizmi”, “Region (Qafqaz) ölkələrində sosial təhlükəsizlik və sosial müdafiə”, “Region (Qafqaz) ölkələrində media”, “Region (Qafqaz) ölkələrində gender problemi” fənlərinin annotasiyası və sillabusu PowerPoint təqdimatla tələbələrə nümayiş olunub.
Dos. Xatirə Hacıyeva tərəfindən seçmə fənlərin tələbələrin gələcək peşə həyatındakı rolu barədə ətraflı məlumat verilərək, seçim qaydası izah edilib.
Təqdimatdan sonra hər bir qrup üzrə seçmə fənlərin auditoriyalarda seçimi həyata keçiriləcəkdir.