Hindistanda minlərlə gəncin həkim olmaq xəyalı yeni bir imtahan böhranı ilə üz-üzə qalıb. Ölkədə tibb ali məktəblərinə qəbul üçün keçirilən NEET-UG imtahanlarında yüksək bal toplamalarına baxmayaraq, cavab vərəqlərində (OMR) ciddi uyğunsuzluqlar aşkarlayan abituriyentlər hüquqlarını qorumaq üçün Hindistan Ali Məhkəməsinə müraciət ediblər.
”Tehsil365” xəbər verir ki, xarici mediaya istinadən xəbər verir ki, şikayətçi tələbələrin bildirdiyinə görə, İmtahan Mərkəzi tərəfindən elektron sistemə yüklənən OMR vərəqələrindəki cavablar onların imtahan zamanı real olaraq qeyd etdikləri variantlarla qətiyyən üstüşmür. Problemlə üzləşənlərin əksəriyyəti imtahanda 600-dən yuxarı yüksək bal toplayan savadlı gənclərdir. Lakin sistemdəki gözlənilməz səhvlər onların reytinq cədvəlindəki yerini təhlükə altına atıb. Abituriyentlər və valideynlər məsələni aydınlaşdırmaq üçün Milli Test Agentliyinə (NTA) dəfələrlə müraciət etsələr də, qurumdan heç bir rəsmi izahat və ya reaksiya almayıblar.
Məsələ ilə əlaqədar Hindistanın Ali Məhkəməsində hakimlər kollegiyası işi icraata götürüb. Vəkillər məhkəmədən təcili dinləmə tələb ediblər. Buna səbəb yaxın günlərdə tibb fakültələrinə qəbul üçün elektron konsultasiya və yerləşdirmə prosesinin başlayacaq olmasıdır. Mütəxəssislər xəbərdarlıq edirlər ki, əgər bu texniki və inzibati uyğunsuzluqlar vaxtında aradan qaldırılmasa, yüzlərlə abituriyent haqsız olaraq universitetdən kənarda qala bilər.