1 Oktyabr Beynəlxalq Musiqi Günüdür

1 Oktyabr Beynəlxalq Musiqi Günüdür

1 oktyabr dünyada Beynəlxalq Musiqi Günü kimi qeyd olunur.

“Təhsil365” xəbər verir ki, Bu əlamətdar gün musiqi sənətinin təbliği, onun cəmiyyət həyatındakı rolunun diqqətə çatdırılması və musiqi vasitəsilə mədəni əlaqələrin inkişaf etdirilməsi məqsədi daşıyır.

Beynəlxalq Musiqi Günü Beynəlxalq Musiqi Şurasının (International Music Council – IMC) təşəbbüsü ilə təsis olunub. Günün təsis edilməsi ilə bağlı qərar 1973-cü ildə Beynəlxalq Musiqi Şurasının Lozannada keçirilən Baş Assambleyasında qəbul edilib və Beynəlxalq Musiqi Günü ilk dəfə 1 oktyabr 1975-ci ildə qeyd olunub.

Musiqi müxtəlif xalqların və mədəniyyətlərin bir-birini daha yaxından tanımasına, mədəni irsin qorunmasına və yaradıcı ifadənin inkişafına mühüm töhfə verən sənət sahələrindən biridir. Musiqinin insan həyatında tutduğu yer yalnız səhnə və konsertlərlə məhdudlaşmır; o, təhsil, mədəniyyət və gündəlik həyatın müxtəlif sahələrində özünəməxsus əhəmiyyət daşıyır.

Beynəlxalq Musiqi Günü münasibətilə musiqi sənətinə, onun inkişafına və mədəni həyatımıza töhfə verən bütün sənət adamlarını və musiqisevərləri təbrik edirik.

Beynəlxalq Musiqi Gününüz mübarək!