Azərbaycan gözdən əlillər ictimai birliyinin üzvləri Həşim Nəbiyev və Vəfadar Novruzov Təhsil365 İnfarmasiya Agentliyinə müraciət edərək şikayətləniblər. Şikayətçilər qurumun sədri Səmiyar Abdullayev barəsində bir neçə sərt ittihamlar səsləndiriblər.
Təhsil365 xəbər portalı həmin şikayəti təqdim edir.
“Sizi narahat etmıkdə məqsədimiz Azərbaycan Gözdən Əlillər Cəmiyyətinin bu günki acınacaqlı vəziyyətini xəbər portalınız vasitəsi ilə işıqlandırılmasıdır. Azərbaycan Gözdən Əlillər Cəmiyyətini və gözdən əlillərin gələcəyini məhv edən AZGƏC-in rəhbəri Səmiyar Abdullayev 1931-ci ildən 2002-ci ilə qədər Azərbaycan Gözdən Əlillər Cəmiyyətinin fəaliyyəti nəticəsində əldə etdiklərini tamamiylə məhv etmişdir. Belə ki, Səmiyar Abdullayevin 2002-ci ildən bu günə kimi AZGƏC-ə rəhbərlik etdiyi dövürdə əsas məqsədi gözdən əlillər cəmiyyətinin balansında və icarəsində olan bütün müəssisə və obyektləri, torpaq sahələrini satmaqla məşğul olmuşdur. Sizdən xahiş edirik ki, bizim haqq səsimizi dövlət himayəsinə ehtiyacı olan təbəqəyə daima diqqət və qayğı göstərən hörmətli prezidentimizə çatdırlmasında yardımçı olasınız. Biz həmişə möhtərəm prezidentimizin apardığı siyasəti dəstəkləyir, onun biz gösdən əlillərə diqqət və qayğısını sözlə ifadə olunmaz dərəcədə qiymətləndiririk. Onun bizə olan qayğı və xidmətlərini saymaqla qurtarmaz. Buna parlaq misal olaraq 2021-ci il 16 avqustda verdiyi sərəncam nəticəsində 500-ə qədər gözdən əlilin mənzillə təmin olunmasıdır. Lakin ölkə rəhbərliyinin əlillərə olan qayğısından sui istifadə edən AZGƏC-in rəhbəri Səmiyar Abdullayev gözdən əlillərin haqlarını tapdalayaraq böyük bir təşkilatın əmlakını satıb, talayaraq cəmiyyəti iflic vəziyyətinə salmışdır. O hətta o dərəcədə harınnamışdır ki, möhtərəm prezidentimizin sərəncamı ilə gözdən əlillərə verilən evlərin güya cəmiyyət rəhbərliyi tərəfindən verildiyini iddia edir. Belə ki, Faiq Yusifov 40 ünvanında cəmiyyətə məxsus 110 sot torpaq sahəsində gözdən əlillərin mənzil şəraitinin yaxşılaşdırmaq adı altında Bakı Şəhər İcra Hakimiyyətinə müraciət edərək həmin ünvanda bina tikintisinə icazə almış, Həmin ünvanda binaların tikilməsi üçün “Sevinc MMC” ilə cəmiyyət arasında müqavilə bağlamışdır. Bağlanmış müqaviləyə əsasən 75 mənzil və 600 m² qeyyri-yaşayış sahəsi cəmiyyətə təhvil verilməlidir. Bu da həmin torpağın dəyərindən dəflərlə aşağı olsa da bu günə qədər 75 mənzil və 600 m² qeyri-yaşayış sahəsindən bir xəbər yoxdur. Səmiyar Abdullayevin 2002-ci ildən bu günə qədər satdıqları cəmiyyətin balansında və icarəsində olan obyektlərin bir qismini sizin nəzərinizə çatdırırıq.
1. Üzeyir Hacıbəyov – 8
2. Vidadi – 64
3. Şıxalı Qurbanov – 25
4. Əzizbəyov – 50
5. Ağa Neymətulla – 42
6. Ağa Neymətulla – 117
7. Ceyhun Hacıbəyli – 40
8. Möhsün Sənani – 21
9. Əlövsət Qluyev – 90
10. Cəfər Cabbarlı – 31
11. Cəfər Cabbarlı – 34
12. Faiq Yusifov – 40 və bizim bilmədiklərimiz.
Biz gözdən əlillər inanırıq ki, gözdən əlillər cəmiyyətini və gözdən əlillərin gələcəyini məhv edən Səmiyar Abdullayevin əməllərini sizin sayənizdə möhtrəm prezidentimizə çatdırılarsa anındaca gözədən əlillər cəmiyyətini və gözdən əlillərin gələcəyini məhv edənlər öz cəzasını alacaqlar. Bir daha sizdən xahiş edirik ki, bu problemlərin həll olunmasında bizə yardımçı olasınız və öz xəbər portalınızda bu məsələləri hərtərəfli işıqlandırasınız. İmza edən gözdən əlillər adından sizə dərin təşəkkürümüzü bildiririk”. - deyilib.
Təhsil365 xəbər portalı olaraq qarşı tərəfin də mövqeyini dərc etməyə hazırıq!