Mil-Muğan üzrə “Məktəblilərarası Milli Hakaton - 2025” müsabiqəsinin seçim mərhələsində 245 şagird iştirak edir.
Bu barədə "Tehsil365"ə Mil-Muğan Regional Təhsil İdarəsindən məlumat verilib.
Bildirilib ki, idarə üzrə 4 mərkəzdə həyata keçirilən müsabiqədə 3 gün ərzində 245 nəfər şagird iştirak edəcək.
Qeyd edək ki, proqramlaşdırma üzrə keçirilən müsabiqənin əsas məqsədi məktəblilər arasında rəqəmsal bacarıqların inkişafına dəstək olmaq, proqramlaşdırma sahəsində onların biliklərini artırmaq, İT üzrə istedadlı məktəbliləri müəyyən edərək onlar üçün gələcək inkişaf imkanları yaratmaqdır.
