İtaliyanın tanınmış professoru və Avropa Komissiyasının enerji, nəzəri fizika və atom enerjisi sahəsində 30 ildən artıq təcrübəyə malik olan professor Franco Cozzani SOCAR-ın Bakı Ali Neft Məktəbində (BANM) olub.
BANM-dən “Tehsil365”ə bildirilib ki, rektor Elmar Qasımov ilə keçirilən görüşdə bərpaolunan enerji, innovasiya və enerji texnologiyaları sahəsində əməkdaşlıq imkanları müzakirə edilib.
Sonra professorun “Bərpaolunan enerji mənbələri: panaseya, illüziya, yoxsa ehtiyaclarımız üçün faydalı töhfə?” mövzusunda təqdimatı baş tutub. O, bərpaolunan enerji mənbələrinin dünya miqyasında artan əhəmiyyətini və bu sahədəki texnoloji inkişafa dair fikirlərini bölüşüb.
