25–30 iyul 2025-ci il tarixlərində Bakıda keçirilən “Vyetnam günləri” çərçivəsində Azərbaycanın Vyetnam Respublikasındakı fövqəladə və səlahiyyətli səfiri Şövqı Mehdizadə və vyetnamlı rəssam Phan Minh Chau Azərbaycan Milli İncəsənət Muzeyini ziyarət ediblər.
“Tehsil365” xəbər verir ki , ölkəmizin bu aparıcı mədəniyyət ocağı ilə tanışlıqdan məmnunluğunu ifadə edən Phan Minh Chau iki qədim Şərq mədəniyyəti arasında dostluğun və mədəni dialoqun rəmzi olaraq “Lotos” adlı əsərini muzeyimizə hədiyyə edib.
Bu təşəbbüsə görə ilk növbədə Azərbaycanın Vyetnamdakı səfiri cənab Şövqı Mehdizadəyə və istedadlı rəssam Phan Minh Chauya dərin təşəkkürümüzü bildiririk.
Qeyd edək ki, abstrakt ekspressionizm üslubunda əsərlər yaradan Phan Minh Chau bir sıra nüfuzlu mükafatların laureatıdır. Əsərləri “Rənglərin rok balladası”, “Nét sợi” (İnca izlər) kimi fərdi sərgilərində uğurla nümayiş olunub.
