Pandemiyadan sonra ABŞ məktəblərində dərsə davamiyyəti ilə bağlı vəziyyət hələ də normala dönməyib. Əvvəllər yalnız sosial-iqtisadi çətinliklər yaşayan ailələrin övladlarında müşahidə olunan devamsızlıq, indi artıq uğurlu və imkanlı ailələrin uşaqları arasında da geniş yayılıb.
"Tehsil365" The Hechinger Report-a istinadən xəbər verir ki, araşdırmalara görə, pandemiya illərində şagirdlər evdə təhsilə öyrəşib və məktəbə gedib-gəlmək onlar üçün əvvəlki qədər vacib görünmür. Həmçinin ailələrin bir çoxu uşaqlarını sadəcə xəstə olduqları üçün deyil, digər səbəblərlə – məsələn, ailəvi səfərlər və ya istirahət məqsədilə – dərsdən saxlayır.
Mütəxəssislər bildirir ki, bu vəziyyət təhsilin keyfiyyətinə mənfi təsir göstərir və uzunmüddətli nəticələri ciddi ola bilər. ABŞ-ın bir çox ştatında məktəblər davamiyyətsizliklə mübarizə aparmaq üçün yeni strategiyalar hazırlayır.