Şərqi Avropanın qəlbində yerləşən Moldova Respublikası, xaricdə ali təhsil almaq istəyən hindistanlı tələbələr üçün sürətlə populyarlaşan bir təhsil istiqamətinə çevrilir. Hazırda əsasən tibb sahəsində olmaqla ölkədə təxminən 3.000 hindistanlı tələbə təhsil alır.
"Tehsil365" Education Times-ə istinadən bildirir ki, Moldova, həm ABŞ, həm də Avropa tərəfindən tanınan akkreditə olunmuş universitetləri, münasib təhsil haqları və beynəlxalq tələbələr üçün təhlükəsiz və qonaqpərvər yaşayış şəraiti ilə diqqət çəkir.
Ən çox seçilən proqramlar arasında Tibb Universitetində tibb, Texniki Universitetdə proqram mühəndisliyi və baytarlıq, eləcə də Avropa səviyyəsində akkreditə olunmuş beş universitetdə müxtəlif ixtisaslar yer alır. Bu universitetlərə Moldova Dövlət Universiteti, İqtisadi Araşdırmalar Akademiyası, Alecu Russo Universiteti, Cahul Dövlət Universiteti və İncəsənət Akademiyası daxildir.
Moldova yalnız təhsil sahəsində deyil, mezunlara uzunmüddətli imkanlar yaratmaq və onların ölkədə qalmasını təşviq etmək baxımından da cəlbedici siyasətlər həyata keçirir. Araşdırma və magistr səviyyəsində təhsil alan tələbələr üçün iş imkanları mövcuddur.
Bununla yanaşı, Moldova hökuməti xarici tələbələr arasında sahibkarlığın dəstəklənməsinə xüsusi önəm verir. Xüsusilə hindistanlı tələbələr üçün strateji sahələrə yönəlik dövlət yardım mexanizmi təklif olunur.
Əsas şərtlər:
KDV xaric ən azı 10 milyon Moldova leyi (MDL) məbləğində investisiya
İnvestisiyanın istehsal sənayesinə yönəldilməsi
Sahələr:
Elektronika, Kimya və əczaçılıq, Tikinti materialları,Tekstil və geyim,Qida sənayesi, Maşın və avtomobil hissələri
Dövlət, ümumi investisiyanın 60%-ə qədərini geri qaytarır – bunun 75%-i gəlir vergisindən azadolma, 25%-i isə birbaşa qrant şəklindədir.
Avropa Birliyinə 2030-cu ilə qədər tam üzvlük hədəfi ilə irəliləyən Moldova, təhsil infrastrukturuna və tədris keyfiyyətinə ciddi sərmayələr yatır. Son illərdə yalnız tibb deyil, proqramlaşdırma, animasiya və baytarlıq kimi sahələrdə də hind tələbələrin marağı artıb.
Moldova Təhsil, Mədəniyyət və Araşdırma Naziri Dan Perciun bildirib:
“Biz Moldova universitetlərində beynəlxalq tələbələrə yüksək keyfiyyətli, akkreditə olunmuş təhsil təqdim etməkdən qürur duyuruq. Təhsil sadəcə diplom deyil – bu, gələcəyimizi birgə qurmaq üçün əsasdır. Hindistanlı tələbələrin bizim akademik ailəmizə qoşulmasından məmnunuq.”