ABŞ Prezidenti Donald Trump, kollec və universitetlərin qəbul prosesində irqi diskriminasiyaya yol vermədiklərini təsdiqləmək üçün geniş məlumat təqdim etmələrini tələb edən yeni administrativ qərar imzalayıb. Bu qərara əsasən, Təhsil Nazirliyi Entegre Ali Təhsil Məlumat Sistemi (IPEDS)-i yeniləyərək məlumatların dəqiqliyini artıracaq və gecikmiş, natamam və ya səhv məlumat təqdim edən təhsil müəssisələrini cəzalandıracaq.
"Tehsil365" xəbər verir ki, bu barədə İnside Higher Ed məlumat yayıb. Qərar irqa əsaslanan qəbul sisteminə qarşı çıxanlar tərəfindən qəbul prosesində şəffaflıq üçün mühüm addım kimi qiymətləndirilsə də, bəzi təhsil ekspertləri tələblərin qeyri-müəyyənliyindən narahat olduqlarını bildirirlər. Yeni qaydalara əsasən, universitetlər 2025–2026-cı tədris ili üçün qəbul etdikləri tələbələrin irqi, etnik mənsubiyyəti, qiymət ortalaması və imtahan nəticələrinə dair illik hesabat təqdim etməlidirlər.
Bərabərlik tərəfdarları isə hesab edirlər ki, bu tədbir universitetləri daha az rəngli tələbə qəbul etməyə məcbur edə bilər və SFFA (Tələbələr üçün Ədalətli Qəbul) məhkəmə işindən sonra müxtəliflik siyasətinə qoyulan məhdudiyyətləri daha da sərtləşdirir.
Eyni zamanda, mütəxəssislər hökumətin bu qədər geniş məlumatları toplamaq və təhlil etmək imkanlarına malik olub-olmadığını sual altına alırlar. Federal Statistika Assosiasiyaları Şurasının icra direktoru Paul Schroeder bildirib ki, “Məlumat toplamaq sadə iş deyil və bu proses sürətli həyata keçirilə bilməz.”