Boston federal məhkəməsində Wesleyan Universiteti və daha iki ali təhsil müəssisəsinin məzunları tərəfindən qaldırılan iddiada, universitetlərin “erken qərar” (early decision) mexanizmini istifadə edərək tələbələrdən daha yüksək ödəniş aldığı iddia olunur.
"Tehsil365" U.S News-ə istinadən xəbər verir ki, iddia ərizəsinə görə, erkən müraciət edən tələbələr daha yüksək qəbul şansına malik olsa da, qəbul edildikdə digər universitetlərin təklif və maliyyə yardımlarından imtina etməyə məcbur qalır. Şikayətçilər, 32 universitetin erkən müraciətçilər üçün bir-birilə rəqabət etməmək barədə razılığa gələrək ABŞ-ın antitrest qanunlarını pozduğunu bildirirlər.
Məhkəmə sənədlərində, bəzi universitetlərin erkən qəbul təkliflərini “hüquqi baxımdan məcburi” kimi təqdim edərək tələbələri çaşdırdığı qeyd olunur. Davacılar həmçinin 2021-ci ildən bəri erkən və normal qəbul prosesi ilə daxil olan bəzi tələbələr üçün toplu iddia (class action) statusu istəyir, artıq ödənilmiş təhsil haqlarının geri qaytarılmasını və bağlayıcı erkən qərar proqramlarının qadağan edilməsini tələb edirlər.
Pensilvaniya və Kolumbiya universitetləri şərh verməkdən imtina edib, digər adıçəkilən ali məktəblər isə hələ cavab verməyib. Sanıqlar sırasında həmçinin özəl liberal incəsənət kollecləri arasında məlumat mübadiləsini təşkil edən “Yüksək Təhsilin Maliyyələşdirilməsi Konsorsiumu” da var.