Nebraska–Linkoln Universitetində (UNL) rəhbərlik, müəllim heyəti və tələbə nümayəndələrindən ibarət komitə bu həftə mümkün büdcə ixtisarlarını müzakirə edəcək. Şanselye Rodney Bennett, təkliflərin oktyabr ayı sonunadək Nebraska Universiteti sisteminin rəhbərinə təqdim ediləcəyini bildirib. Plan çərçivəsində bəzi ixtisasların birləşdirilməsi və ya ləğvi nəzərdən keçirilir.
"Tehsil365" Higher Ed Dive-ə istinadən xəbər verir ki, universitet gələcəkdə əsas diqqəti dövlət xaricindən qrant və müqavilələrin artırılmasına, həmçinin tələbə qəbulunu və davamiyyətini yüksəldərək təhsil haqqı gəlirlərini artırmağa yönəldəcək. 2025–26 tədris ilində yerli tələbələr üçün kredit saatı üzrə təhsil haqqı 277 dollardan 291 dollara, xarici tələbələr üçün isə 888 dollardan 932 dollara qalxacaq.
Büdcə ixtisarları, dövlətin verdiyi maliyyə dəstəyinin inflyasiya ilə ayaqlaşmaması səbəbindən gündəmə gəlib. Nebraska Yasama Məclisinin bu il təsdiqlədiyi 1,25%-lik artım, universitetin tələb etdiyi 3,5%-dən xeyli aşağıdır. Şanselye, yeni ixtisarların universitetin maliyyə sabitliyinə nail olmasına kömək edəcəyinə ümid etdiyini bildirib.