Hindistanda Tibb Fakültələrində yüksək təhsil haqları səbəbindən minlərlə yer boş qalır. NMC-nin məlumatına görə, 2020-21-ci ildə 83 min olan yer sayı 2024-25-də 1,15 minə yüksəlsə də, hər il minlərlə kontingent dolmur. 2024-25-ci ildə 2.849, 2022-23-də isə 4.146 yer, əsasən özəl kolleclərdə, boş qalıb.
"Tehsil365" Education Times-ə istinadən xəbər verir ki, ekspertlər buna əsas səbəb kimi dövlətin qiymət tənzimləməsinin olmamasını və özəl tibb fakültələrində fahiş ödənişləri göstərirlər. Özəl kolleclərdə illik ödənişlər 25–30 lakh rupi arasında dəyişir ki, bu da xaricdə təhsil xərclərinə bərabərdir. Buna görə də minlərlə tələbə Rusiyaya, Gürcüstana, Nepala və digər ölkələrə üz tutur.
NMC-nin 2022-ci ildə qəbul etdiyi qərara əsasən, özəl fakültələrdə yerlərin 50%-nin ödənişləri dövlət kolleclərinin qiymətləri ilə eyni olmalı idi, lakin bu, yalnız Madhya Pradeşdə tətbiq olunub. Biharın tətbiq cəhdi isə məhkəmə ilə dayandırılıb.
Mütəxəssislər mərkəzi səviyyədə ödəniş tənzimləmə komitəsinin yaradılmasını, NMC-yə daha geniş səlahiyyət verilməsini və həm mərkəzi, həm də əyalət hökumətlərinin ciddi nəzarət mexanizmi qurmasını vacib sayır. Əks halda, yüksək ödənişlər həm tibbi təhsilə çıxışı məhdudlaşdıracaq, həm də minlərlə yerin boş qalmasına səbəb olacaq.