ABŞ-ın prezidenti Donald Tramp çərşənbə axşamı kabinet iclasında bildirib ki, Metanın Luizianada inşa etməyi planlaşdırdığı süni intellekt məlumat mərkəzinin dəyəri 50 milyard dollar olacaq.
“Tehsil365” xarici mənbələrə istinadən xəbər verir ki, şirkət Richland dairəsində özünün ən böyük məlumat mərkəzini tikir. Bu mərkəz süni intellekt yükləri də daxil olmaqla yüksək hesablama gücü ilə rəqəmsal infrastrukturun dəstəklənməsinə xidmət edəcək.
Facebook və Instagram-ın sahibi Trampın açıqlamasına şərh verməyib. Meta bu layihə üçün ABŞ-ın maliyyə nəhəngi PIMCO və Blue Owl Capital ilə birlikdə 29 milyard dollarlıq maliyyələşdirmə paketi hazırlayır. Şirkət ötən il layihəyə 10 milyard dollardan çox sərmayə qoyacağını açıqlamışdı.
Baş direktor Mark Zukerberq isə bildirib ki, şirkət yüz milyardlarla dollar sərmayə yatıraraq Superintelligence üçün iri miqyaslı məlumat mərkəzləri tikəcək.