1923-cü ildə ABŞ-da "Bobbie" adlı bir it inanılmaz hadisə ilə tarixə düşüb. O, sahibləri ilə səyahət zamanı itirilib və 6 ay ərzində 4000 kilometrdən çox məsafəni qət edərək evinə geri dönüb.
“Tehsil365”in məlumatına görə, Bobbie Oreqon ştatında yaşayan ailəsinə qovuşmaq üçün dağları, çayları, meşələri keçib, çətin hava şəraitinə sinə gərib. Yolboyu onu görən insanlar yemək və sığınacaq verərək kömək ediblər. Bu hadisə ölkə miqyasında böyük maraq doğurub və "Möcüzəli Bobbie" adı ilə məşhurlaşıb.
Onun hekayəsi yalnız bir itin sadiqliyini deyil, həm də heyvanların instinktiv gücünü göstərir. Bobbie-nin hekayəsi sonradan kitablara, filmlərə mövzu olub və bu gün də heyvan sevgisinin simvolu kimi yad edilir.
Sadiqliyi ilə tarix yazan Bobbie, "itlərin ürəyi yolu tanıyır" deyiminin canlı sübutu olub.