Mərkəzi gömrük hospitalında Naxçıvan Dövlət Universitetinin tibb fakültəsinin tələbələri ilə görüş keçirilib.
Naxçıvan Dövlət Universitetindən “Tehsil365”ə məlumat verilib ki, Azərbaycan Respublikası Dövlət Gömrük Komitəsinin Tibbi Xidmət İdarəsi ilə Naxçıvan Dövlət Universiteti arasında imzalanmış əməkdaşlıq Memorandumuna əsasən, fakültənin VI kurs tələbələrindən ibarət qrup xəstəxananın müxtəlif şöbələrində təcrübə proqramına start verib.
Tələbələr cərrahiyyə, daxili xəstəliklər, təcili tibbi yardım, ailə sağlamlığı və seçmə fənlər üzrə nəzəri biliklərini praktikada tətbiq etmək imkanı qazanıblar.