Texnika və Texnologiyalar üzrə Bakı Dövlət Peşə Təhsil Mərkəzində inklüziv təhsil mövzusuna həsr olunmuş dəyirmi masa təşkil olundu.
“Tehsil365” xəbər verir ki, tədbir zamanı təhsilverənlərə fərqli tələbələrə düzgün yanaşma yolları haqqında ətraflı təlimat verildi.
Eyni zamanda iştirakçıların emosional vəziyyətlərinin qiymətləndirilməsi məqsədilə Boyko metodikasına əsaslanan test tətbiq olundu. Tədbir müəllimlərin inklüziv təhsildə peşəkar yanaşma bacarıqlarını artırmaq və tələbələrə daha həssas dəstək göstərmək məqsədi daşıyırdı.