27 Sentyabr - Anım Günü ilə əlaqədar Şəki -Zaqatala Regional Təhsil İdarəsinin tabeliyində fəaliyyət göstərən ümumi təhsil müəssisələrində 27 Sentyabr - Anım Gününün beşinci ildönümünə həsr olunmuş silsilə tədbirlər təşkil olunub.
“Təhsil365” xəbər verir ki, məktəblərdə keçirilən tədbirlərdə Şəki -Zaqatala Regional Təhsil İdarəsinin struktur bölmə rəhbərləri, Şəhid ailələrinin üzvləri, Vətən Müharibəsi qaziləri, rayon ictimaiyyətinin nümayəndələri, rəsmi qrumların nümayəndələr, müəllimlər və şagirdlər iştirak ediblər.
Vətənpərvərlik ruhunda təşkil edilən tədbirlərdə Vətən Müharibəsi şəhidlərinin əziz xatirəsi bir dəqiqəlik sükutla yad edilib, Anım Günü barədə şagirdlərə ətraflı məlumat verilib.
Tədbirlərdə şagirdlər vətənpərvərlik mövzularında şeirlər söyləyib və ədəbi-bədii kompozisiyalar nümayiş etdiriblər.
Bununla yanaşı müəllim və şagirdlər tərəfindən Şəhidlər Xiyabanı ziyarət edilib.
