27 Sentyabr – Anım Günü münasibətilə Mingəçevir şəhərində Şəhidlər Xiyabanı ziyarət olunub.
Mingəçevir Dövlət Universitetindən “Tehsil365”ə məlumat verilib ki, Mingəçevir Şəhər İcra Hakimiyyətinin təşkilatçılığı ilə keçirilən tədbirdə şəhərin hüquq-mühafizə orqanlarının, yerli bələdiyyə və dövlət qurumlarının nümayəndələri, eləcə də şəhər ictimaiyyəti iştirak edib.
Ziyarətdə Mingəçevir Dövlət Universitetinin professor-müəllim heyəti, tələbə və magistrantları da fəal iştirak ediblər. Onlar şəhidlərin müqəddəs xatirəsini dərin ehtiramla yad edərək, göstərdikləri qəhrəmanlığın gənc nəslin yaddaşında daim yaşayacağını bildiriblər.