“Məktəblilər arasında respublika çempionatı”nın atletika mərhələsi davam edir.
“Tehsil365“ xəbər verir ki, cari ilin oktyabr ayında ölkənin şəhər və rayonlarında “Məktəblilər arasında respublika çempionatı”nın atletika idman növü üzrə yarışların rayon və zona mərhələləri keçirilir.
Məktəbəqədər və Ümumi Təhsil üzrə Dövlət Agentliyi, Azərbaycan Atletika Federasiyası, Azərbaycan Basketbol Federasiyası və Azərbaycan Badminton Federasiyasının birgə təşkilatçılığı ilə keçirilən yarışların nəticələrinə əsasən, final mərhələsinə vəsiqə qazanan 14 komanda paytaxtda keçiriləcək yekun mərhələdə güclərini sınayacaq.
Eyni zamanda, çempionat çərçivəsində basketbol və badminton idman növləri üzrə yarışlara da start verilib.
Qeyd edək ki, çempionatın məqsədi ümumi təhsil məktəblərində bədən tərbiyəsi və idmanın şagirdlər arasında kütləviləşdirilməsi, fiziki tərbiyə fənninin tədrisinin təkmilləşdirilməsi, həmçinin məktəblilər arasında sağlam və aktiv həyat tərzinin təşviq olunmasıdır.
