Fransa Təhsil Nazirliyi 2025‑ci ilin oktyabrında “AI in Schools” adlı pilot proqramın başlanacağını açıqlayıb.
“Tehsil365” xəbər verir ki, bu barədə xarici media məlumat verib.
Proqram çərçivəsində 20 məktəb (orta və lisey pillələri) süni intellekt texnologiyaları ilə təchiz olunacaq. Məqsəd müəllimlərin işini dəstəkləmək, şagirdlərin öyrənmə təcrübəsini zənginləşdirmək və tədris prosesini modernləşdirməkdir.
Pilot proqramın mərhələləri:Oktyabr‑Noyabr 2025: müəllimlər üçün təlim və hazırlıq;
Dekabr 2025‑Fevral 2026: siniflərdə AI alətləri ilə dərslərin keçirilməsi;
Mart‑İyun 2026: şagirdlərin alətləri aktiv istifadə etməsi;
2026‑2027 tədris ilindən etibarən proqramın genişlənməsi.
Süni intellekt alətləri müəllim nəzarəti altında, təhlükəsiz və reklamsız istifadə ediləcək. Təhsil naziri bildirib ki, məqsəd AI-nin müəllimin yerinə deyil, köməkçi kimi istifadə olunmasıdır və etik məsələlər proqramın əsas prioritetidir.