Üzeyir Hacıbəyli adına Bakı Musiqi Akademiyasında (BMA) dahi bəstəkar Üzeyir Hacıbəylinin 140 illik yubileyinə həsr olunan “Xor-dirijorluq” kafedrasının “Üzeyir irsi - xor musiqisində” adlı konserti keçirilib.
Bakı Musiqi Akademiyasından “Təhsil365”ə bildirilib ki, konsertin bədii rəhbəri Xalq artisti, BMA-nın “Xor-dirijorluq” kafedrasının müdiri, professor Gülbacı İmanovadır. Tədbirdə BMA-nın birləşmiş tələbə xoru, “Sabah” qruplarının musiqişünaslardan ibarət “Xarıbülbül” xoru və instrumental ifaçılıq tələbələrindən ibarət xoru çıxış ediblər.