Los Anceles Birləşmiş Məktəb Rayonu (LAUSD) ciddi büdcə kəsirləri ilə üzləşdiyi üçün məktəblərdə ixtisarlar, işdənçıxarmalar və bəzi təhsil müəssisələrinin bağlanması gündəmə gəlib. Bu barədə rayonun baş maliyyə direktoru məlumat verib.
“Tehsil365” xəbər verir ki, şagird qeydiyyatının azalması və pandemiya dövründə ayrılmış federal yardım fondlarının artıq mövcud olmaması rayonu maliyyə yükünü azaltmaq üçün ciddi tədbirlər görməyə məcbur edib. Hazırda rayon rəhbərliyi xərcləri minimuma endirmək, lakin təhsilin keyfiyyətinə mənfi təsiri azaltmaq məqsədilə plan hazırlayır.
LAUSD rəhbərliyi vəziyyəti valideynlər, müəllimlər və ictimaiyyətlə şəffaf şəkildə bölüşəcəyini, mümkün qədər sosial təsirləri azaltmağa çalışacağını bildirib. Tədbirlərin hansı məktəblərə və işçilərə təsir edəcəyi yaxın günlərdə dəqiqləşəcək.