Azərbaycan ədəbiyyatının görkəmli nümayəndələrindən biri olan Yusif Əzimzadə milli mədəniyyətimizin inkişafında mühüm xidmətlər göstərmiş nasir, dramaturq, publisist və tərcüməçi kimi yadda qalıb.
“Tehsil365” xəbər verir ki, O, 1942-ci ildən Azərbaycan Yazıçılar Birliyinin üzvü olub və uzun illər ərzində ədəbi prosesin fəal iştirakçılarından biri kimi çıxış edib.
Yusif Əzimzadənin yaradıcılığı müxtəlif janrları əhatə edib. Onun nəsr və dramaturgiya sahəsində qələmə aldığı əsərlər oxucular tərəfindən maraqla qarşılanıb, səhnə əsərləri isə teatr ictimaiyyəti tərəfindən yüksək qiymətləndirilib. Publisistik yazılarında müəllif dövrün aktual məsələlərinə toxunaraq cəmiyyətin mənəvi-əxlaqi problemlərini işıqlandırıb.
Ədəbiyyat və incəsənət sahəsindəki xidmətlərinə görə Yusif Əzimzadəyə 1979-cu ildə “Əməkdar incəsənət xadimi” fəxri adı verilib. Onun zəngin ədəbi irsi Azərbaycan mədəniyyət tarixində özünəməxsus yer tutur və bu gün də oxucular üçün aktuallığını qoruyur.