Bir zamanlar işə qəbulda ilk baxılan sənəd diplom idi. Lakin müasir dövrdə bu yanaşma tədricən dəyişir. Artıq işəgötürənlər yalnız akademik göstəricilərə deyil, real bacarıq və praktiki təcrübəyə üstünlük verirlər.
Təəssüf ki, bir çox məzunlar illərlə oxuduqları ixtisas üzrə iş tapa bilmirlər. Çünki təhsil proqramları ilə əmək bazarının tələbləri arasında tez-tez uyğunsuzluq müşahidə olunur. Bu zaman fərdi inkişaf, əlavə təlimlər və qısa kurslar vasitəsilə öz üzərində çalışan gənclər daha tez irəliləyirlər.
Dünya praktikasında da bu yanaşmanın nümunələri çoxdur. Mark Zukerberq və İlon Mask kimi texnologiya nəhəngləri ali təhsili tamamlamaq yerinə bacarıqlarına güvəndilər və uğur qazandılar. Azərbaycanda da İT, SMM, dizayn kimi sahələrdə diplomdan çox praktiki bilik və portfoliolarla iş tapan gənclərin sayı artır.
Unutmayaq: diplom rəsmi sənəddir, bacarıq isə fərqləndirici üstünlük. Ən ideal vəziyyət bu ikisinin sintezidir. Təhsil aldıqlarımızı praktikaya tətbiq edə biliriksə, o zaman həm biliyə, həm də dəyərə çevrilən bacarığa sahib oluruq.
Bu günün tələbəsi sabahın mütəxəssisidir. Amma onu peşəkar edən sadəcə diplom deyil — o diplomda yazılanları həyata keçirmə bacarığıdır.