Təhsil eksperti Cahid İmanlı yaxın və uzaq perspektivdə əmək bazarında tələbat duyulan ixtisaslarla bağlı fikirlərini bölüşüb. Onun sözlərinə görə, texnologiya və kənd təsərrüfatı sahələri ön plana çıxmağa başlayır:
“Hazırda 1-ci qrupda birmənalı olaraq daha çox informasiya təhlükəsizliyi və komputerlə bağlı olan əlaqəli ixtisaslara tələbat çoxdur”.
Bu barədə ekspert “Tehsil365”ə bildirib.
“Yaxın gələcəkdə bu yöndə olan ixtisaslara süni intelektlə bağlı yeni ixtisaslar da əlavə ediləcək. Daha sonra ən yaxın gələcəkdə kənd təsərrüfatı üzrə ixtisaslara ciddi ehtiyac duyulacaq. 2-ci qrupda ənənəvi olaraq maliyyə, iqtisadiyyat ixtisasları, 3-cü qrupda hüquqşünaslıq və idarəetmə, 4-cü qrupda tibb ixtisasları yenə də öz prestijini qoruyub saxlayır. Pedaqoji ixtisaslara tələbat ciddi surətdə azalıb, bu sahənin gələcək karyerası ürəkaçan deyil”,-deyə eksperti bildirib.