Azərbaycanda orta məktəblərdə aparılan araşdırmalar göstərir ki, son illərdə şagirdlər arasında görmə zəifliyi halları artmaqdadır.
“Tehsil365” xəbər verir ki,Səhiyyə Nazirliyi və Elm və Təhsil Nazirliyinin birgə hesabatına əsasən, bu halın əsas səbəblərindən biri uzun müddət kompüter, planşet və telefon ekranına baxmaqdır.
Həkim-oftalmoloqlar bildirirlər ki, xüsusilə 10–16 yaş arası məktəblilərdə uzağı görmənin zəifləməsi (miopiya) halları iki dəfə artıb. Uzunmüddətli onlayn dərslər və elektron dərs vəsaitlərindən istifadə bu problemi daha da dərinləşdirir.
Problemin həlli məqsədilə məktəblərdə ildə bir dəfə pulsuz göz müayinələrinin təşkili, dərs cədvəllərində "ekransız fasilələr" və açıq havada fiziki aktivliyin artırılması təklif edir.