Müasir dövrdə uşaqların ən çox rastlaşdığı problemlərdən biri emosional laqeydlikdir. Uşaq qorxusunu, narahatlığını və ya təəssüratını bölüşdükdə valideynin bunu ciddiyə almaması, “orada nə var ki, keçər” kimi reaksiyalar verməsi uşaqda özünəqapanma, dəyərsizlik hissi və psixoloji yüklənmələrə səbəb olur.
“Tehsil365” xəbər verir ki, psixoloqların da dediklərinə əsasən travma təkcə ağır hadisələrlə deyil, emosional ehtiyacların qarşılanmaması ilə də formalaşa bilər. Uşaq bir hadisədən qorxduqda və bu qorxusu zarafata salındıqda, zamanla hisslərini bölüşməkdən çəkinməyə başlayır. Bu isə yeniyetməlikdə etibarsızlıq, aqressiya və hətta depressiyaya yol aça bilər.
Mütəxəssislərin fikrincə, valideynlər uşaqlarının dediklərini qiymətləndirməli, onlara empatik yanaşmalı və “kiçik şey” deyib keçməməlidirlər. Çünki uşaq üçün kiçik görünən bir detal, gələcək emosional dünyasının təməlini poza bilər.