Məktəblərdə müşahidə olunan yeni tendensiya valideynləri və mütəxəssisləri narahat edir: bir çox şagird fikirlərini sərbəst ifadə edə bilmir, nitqində ləngimələr və tələffüz problemləri yaşayır. Səbəblər arasında texnologiyanın artan təsiri, sosial təcrid və danışıq təcrübəsinin azalması göstərilir.
“Tehsil365” xəbər verir ki, loqopedlər xüsusilə ibtidai sinif yaşlı uşaqlarda nitq problemlərinin artdığını bildirirlər. Uzun müddət ekran qarşısında vaxt keçirmək və şifahi ünsiyyətin məhdud olması bu halların əsas səbəblərindəndir. Mütəxəssislər valideynləri övladları ilə gündəlik ünsiyyəti artırmağa, məktəbləri isə danışıq bacarıqlarını gücləndirən fəaliyyətlərə üstünlük verməyə çağırır.