Müasir dövrdə uşaqların texnologiya və ekran qarşısında keçirdiyi vaxtın artması onların zehni və emosional inkişafına təsir edir. Uzun müddət ekran qarşısında olmaq yaddaşın zəifləməsinə, diqqət pozuntularına və sosial bacarıqların geriləməsinə səbəb ola bilər.
“Tehsil365” xəbər verir ki, mütəxəssislər uşaqların gündəlik ekran istifadəsinin 1-2 saatla məhdudlaşdırılmasını tövsiyə edir. Ekrandan uzaq qalmaq onların yaradıcılıq qabiliyyətini artırır, zehni fəaliyyəti gücləndirir və ünsiyyət bacarıqlarını inkişaf etdirir. Valideynlərə tövsiyə olunur ki, uşaqlarını açıq havada oyunlara təşviq etsinlər və texnologiyadan balanslı istifadə vərdişini aşılamağa çalışsınlar.