Səudiyyə Ərəbistanı 2025–2026 tədris ili üçün süni intellekt (AI) kurikulumunu təqdim edib. Bu islahat, ölkənin Vision 2030 proqramı çərçivəsində həyata keçirilir və tələbələrin gələcək texnoloji bacarıqlarını inkişaf etdirməyi hədəfləyir.
“Tehsil365” xarici mənbədən aldığı məlumata əsasən xəbər verir ki, yeni kurikulum yalnız ali məktəblər üçün deyil, həm də məktəb səviyyəsində müxtəlif yaş qruplarına uyğun olaraq mərhələli şəkildə tətbiq olunacaq. Təhsil ekspertləri bildirirlər ki, bu təşəbbüs tələbələrin proqramlaşdırma, maşın öyrənməsi və digər AI sahələrində biliklərini artırmaqla yanaşı, onları rəqəmsal iqtisadiyyata hazırlayacaq.
Həmçinin, proqram çərçivəsində müəllimlərin təlimi, laboratoriya fəaliyyətləri və interaktiv dərs modulları da nəzərdə tutulub ki, tələbələr həm nəzəri, həm də praktiki bacarıqlar qazansınlar. Təhsil nazirliyi ümid edir ki, bu kurikulum ölkənin texnologiya və innovasiya sahəsində beynəlxalq rəqabət qabiliyyətini artıracaq.