Dövlət İmtahan Mərkəzi (DİM) 17 oktyabr 2025-ci il tarixində “B2 First” ingilis dili imtahanı təşkil edəcək. İmtahan Binəqədi rayonu, Süleyman Sani Axundov küçəsi 50 ünvanında yerləşən binada baş tutacaq. İştirak üçün son qeydiyyat tarixi 13 oktyabrdır.
“Tehsil365” xəbər verir ki, “B2 First” imtahanı namizədlərin daha yüksək səviyyəli beynəlxalq imtahanlara hazırlaşmasına kömək edir və onların ingilis dilli mühitdə ünsiyyət bacarıqlarını qiymətləndirir. İmtahan 4 bölmədən ibarətdir:
Oxu və İngilis Dilinin İstifadəsi (Reading and Use of English): 1 saat 15 dəqiqə
Yazı (Writing): 1 saat 20 dəqiqə
Dinləmə (Listening): 40 dəqiqə
Danışıq (Speaking): 16 dəqiqə
Oxu, yazı və dinləmə hissələri kompüter vasitəsilə keçiriləcək, danışıq hissəsi isə iki və ya üç nəfərlik qruplarda imtahan mütəxəssisləri tərəfindən aparılacaq.