Avqustun 29-da məktəbəqədər təhsil müəssisələrinə tərbiyəçi-müəllimlərin işə qəbulu üzrə müsabiqənin test imtahanı mərhələsinə start veriləcək.
İnsan resursları mərkəzindən “Tehsil365”ə məlumat verilib ki, müsabiqədə 5593 namizədin iştirakı planlaşdırılır. İmtahanlar 29 imtahan mərkəzində təşkil olunacaq.
Qeyd olunur ki, namizədlər yalnız şəxsi səhifələrində göstərilən tarix və məkanda imtahanda iştirak edə biləcəklər. Qeydiyyata gecikən şəxslər imtahan binasına buraxılmayacaq.