Azərbaycan Turizm Bürosu (ATB), "Şahdağ" Turizm Mərkəzi və digər tərəfdaşlarla birgə Tailandın Banqkok şəhərində keçirilən "PATA Travel Mart 2025" (PTM) sərgisində ölkənin turizm imkanlarını nümayiş etdirib.
“Tehsil365” Azərtac-a istinadən xəbər verir ki, sərgidə stend ziyarətçilərinə ölkə haqqında ətraflı məlumat verilib və potensial əməkdaşlıq imkanları qiymətləndirilib.
Tədbir zamanı PATA-nın baş icraçı direktoru Nur Əhməd Hamid ATB nümayəndələri ilə görüşərək turizm sahəsində inkişaf və son yeniliklər barədə fikir mübadiləsi aparıb.
Azərbaycan Respublikasının Tailand Krallığındakı səfiri Elçin Bəşirov milli stendi ziyarət edib.
Qeyd edək ki, Asiya-Sakit okean regionunun beynəlxalq turizm sərgilərindən biri olan "PATA Travel Mart 2025" (PTM) şəbəkələşmə, biznesin inkişafı və tərəfdaşlıqların qurulması üçün mühüm platformadır.