Təhsil 365 - Logo Mobile

Əhməddin Rəcəbli: 80 illik yubiley tədbiri Qusarda keçirildi

8429.08.2025 - 10:58
Əhməddin Rəcəbli: 80 illik yubiley tədbiri Qusarda keçirildi

Əməkdar məşqçinin 80 illik yubileyinə həsr olunmuş  “Uğurun sirləri: Əhməddin Rəcəbli ilə söhbət”adlı tədbir keçirilib.

“Tehsil365” xəbər verir ki, 28 avqust 2025-ci il tarixində Qusar rayon Tarix Diyarşünaslıq Muzeyində Azərbaycanın əməkdar məşqçisi, görkəmli idman xadimi Əhməddin Rəcəblinin 80 illik yubileyinə həsr olunmuş “Uğurun sirləri: Əhməddin Rəcəbli ilə söhbət”adlı tədbir keçirilib.

Tədbirdə Əhməddin Rəcəblinin zəngin həyat yolu, uzun illər ərzində idmanın, xüsusilə cüdonun inkişafına verdiyi töhfələr, yetirmələrinin uğurları və idmana həsr etdiyi ömür barəsində geniş məlumat verilib.  Tədbirin gedişatında Ə.Rəcəbliyə həsr olunmuş videoçarx  nümayiş olunub.

Muzeyin təşkilatçılığı ilə keçirilən tədbirdə idman ictimaiyyətinin nümayəndələri, məşqçilər, ictimaiyyət üzvləri və mədəniyyət işçiləri iştirak ediblər. Əməkdar məşqçi Əhməddin Rəcəbli tədbir iştirakçıları ilə səmimi söhbət apararaq, öz həyat təcrübəsini, idmanda uğura gedən yoldakı əsas prinsipləri bölüşüb.

Bu tədbir, təkcə yubiley deyil, həm də gənclərə ilham verən həyat hekayəsinin paylaşılması baxımından böyük əhəmiyyət daşıyır.

Zəhra Əliyeva

Haber akışı

Şu anda haber akışın da haber yok...