28 avqust 2025-ci il tarixində MİHİ Qusar rayon Komitəsinin xidmət əhatəsində fəaliyyət göstərən Qusar Tarix-Diyarşünaslıq Muzeyində Azərbaycanın idman sahəsində xüsusi xidmətləri olan “Əməkdar məşqçi Əhməddin Rəcəbli”yə həsr olunmuş tədbir keçirilib.
“Tehsil365” xəbər verir ki, tədbirdə məşqçinin çoxillik zəhmətindən, idman sahəsindəki nailiyyətlərindən və onun ailəsində idman ənənəsinin davam etməsindən bəhs edilib. Tədbirdə çıxış edən natiqlər Əhməddin Rəcəbliyə göstərilən hörmət və ehtiramın cəmiyyət üçün nümunəvi olduğunu qeyd ediblər.
Tədbirin gedişatında videoçarx nümayiş olunub, iştirakçılar tərəfindən idmanın gənclər üçün əhəmiyyəti vurğulanıb və Əhməddin müəllimin idman sahəsindəki rolu yüksək qiymətləndirilib.
Tədbir çay süfrəsi ətrafında davaç edib və sonda tədbir iştirakçıları ilə birgə xatirə şəkil çəkilib.