29 avqust 2025-ci il tarixində Gənclərin İnkişaf və Karyera Mərkəzinin Quba-Xaçmaz Bölgə Təmsilçiliyi, Quba rayon Heydər Əliyev Mərkəzi və Quba Mərkəzli Kitabxana Sistemi birgə olaraq gəncləri erkən nikahın fəsadları barədə məlumatlandırmaq məqsədilə “Erkən evliliyə son!” mövzusunda maarifləndirici tədbir keçirib.
“Tehsil365” xəbər verir ki, tədbirdə Quba Heydər Əliyev Mərkəzi, Gənclərin İnkişaf və Karyera Mərkəzi, Quba-Xaçmaz Bölgə Təmsilçiliyi, Quba ASAN Xidmət Mərkəzi, Quba Mərkəzli Kitabxana Sisteminin əməkdaşları və könüllüləri iştirak edib. Tədbir şəhidlərimizin xatirəsi bir dəqiqəlik sükutla yad edilməsi ilə başlayıb. Sonrakı çıxışlarda erkən evliliklərin gənclərin təhsili, psixoloji sağlamlığı və həyatına vurduğu mənfi təsirlər, eləcə də ailə və cəmiyyət üzərindəki fəsadları müzakirə olunub. Tədbirdə mövzu ilə bağlı slayd və film nümayiş olunub.
Unutmayaq: hər erkən evlilik bir gəncin arzularını əlindən alır. Gələcəyimizə, gənclərimizə sahib çıxaq!