30 avqust DanceAbility Azərbaycan və “İçərişəhər” Dövlət Tarix-Memarlıq Qoruğu İdarəsi əməkdaşlığı ilə “Bütün Vücudlar Danışır” layihəsi çərçivəsində inklüziv rəqs nümayişi və hər kəsin iştirak edə bildiyi vörkşop keçirilmişdir.
“Tehsil365” xəbər verir ki, tədbir Qız Qalası Meydanı, İçərişəhər ərazisində baş tutmuş və bütün yaş qruplarından olan, həm əlilliyi olan, həm də olmayan şəxslərin iştirakı ilə həyata keçirilmişdir. İştirakçılar layihə çərçivəsində fiziki və emosional sağlamlıqlarını inkişaf etdirmiş, sosial bacarıqlarını gücləndirmiş və yeni dostluqlar qurmuşlar. Layihə həmçinin cəmiyyətin əlillik mövzusunda məlumatlılığını artırmaq məqsədi daşımışdır.
Layihənin sponsorları arasında Nar, Kapital Bank, Red Hearts, Toyota Caucasus, Mega Insurance, Mega Life və Azersun Holding yer almışdır. Tərəfdaşlar isə Youth Fund, Sosial Xidmətlər Agentliyi və “İçərişəhər” Qoruq İdarəsi olmuşdur.
