Elm və Təhsil Nazirliyinin təşkil etdiyi “Təhsildə inkişaf və innovasiyalar üzrə IX qrant müsabiqəsi”nin nəticələri açıqlanıb. Qazax-Tovuz Regional Təhsil İdarəsi üzrə ümumilikdə 14 layihə qalib gəlib.
Qazax - Tovuz regional təhsil idarəsindən “Tehsil365”ə məlumat verilib ki, qalib layihələrdən 6-sı Şəmkir rayonu, 5-i Ağstafa rayonu, 2-si Qazax rayonu, 1-i isə Tovuz rayonu üzrədir.
Müsabiqənin keçirilməsində əsas məqsəd təhsil müəssisələri və pedaqoqlar arasında sağlam rəqabəti təşviq etmək, həmçinin innovativ fəaliyyətləri dəstəkləməkdir.
Qalib gələn müəlliflərə layihələrini uğurla həyata keçirmələri arzu olunur.