Kanada 2025-ci il üçün Hindistan vətəndaşlarına verilən təhsil vizalarının sayını 50 faiz azaldıb. Bu qərar təhsil sektoru və ölkə iqtisadiyyatına əhəmiyyətli təsir göstərə bilər.
“Tehsil365" AzEdu.az-a istinadən xəbər verir. Hindistanlı tələbələr Kanadadakı universitetlərin beynəlxalq tərkibində önəmli yer tuturlar və vizaların azaldılması ölkəyə gələcək tələbə axınına mənfi təsir edəcək.
Qeyd edək ki, Hindistan dünyanın ən böyük beynəlxalq tələbə bazarlarından biridir və Kanadadakı ali təhsil müəssisələri üçün strateji əhəmiyyət daşıyır.
Mütəxəssislər, bu qərarın universitetlərin beynəlxalq əməkdaşlıq siyasətinə və gələcək tələbə qəbuluna təsirlərini diqqətlə izləyirlər.