1–7 oktyabr tarixlərində paytaxtda ənənəvi kitab sərgisi keçiriləcək. Sərgi ziyarətçilərə müxtəlif nəşriyyatların, kitab evlərinin və müəlliflərin təqdim etdiyi zəngin kitab dünyasını kəşf etmək imkanı yaradacaq.
“Tehsil365” xəbər verir ki, oxucular sərgi boyunca kitab təqdimatlarında, imza günlərində və müzakirələrdə iştirak edə, yeni nəşrlərlə tanış ola biləcəklər. Ən əsası isə, tədbirə giriş tamamilə pulsuzdur.
Ziyarətçilərin rahat gediş-gəlişi üçün “Koroğlu”, “28 May” və “Elmlər Akademiyası” metro stansiyalarından Bakı Ekspo Mərkəzinədək “shuttle bus” xidməti təşkil ediləcək.