Tələbələrin xaricdə təhsil almaq arzusu getdikcə artır. Bu seçimdə əsas amillər arasında təhsil keyfiyyəti, karyera imkanları, dil mühiti və həyat səviyyəsi durur. Müxtəlif sorğular göstərir ki, tələbələr arasında ölkə seçimi geniş fərqliliklər göstərir.
"Tehsil365" xəbər verir ki, aparılan sorğular nəticəsində gənclərin əksəriyyəti ABŞ, Böyük Britaniya, Kanada və Almaniyanı ön sıraya çıxarıblar. Bu ölkələrdə təhsil keyfiyyətinin yüksək olması, tələbələrə geniş iş imkanlarının təqdim olunması və beynəlxalq tanınmış diplom verilməsi əsas səbəblərdəndir.
Ekspertlər qeyd edirlər ki, ölkə seçimi yalnız akademik amillərlə deyil, həm də şəxsi inkişaf imkanları ilə bağlıdır. Tələbələr üçün bu seçim həyatlarının mühüm mərhələsini təşkil edir və onların gələcək karyerasında böyük rol oynayır.