2025-ci ilin yanvar-avqust aylarında Azərbaycan 52.7 mln. ABŞ dolları dəyərində elektrik enerjisi ixrac edib. Bu, illik müqayisədə 4.8 milyon dollar və ya 8.3% azdır.
‘‘Tehsil365’’ xəbər verir ki, bu barədə İqtisadi İslahatların Təhlili və Kommunikasiya Mərkəzinin məlumatında qeyd edilib.
Bildirilib ki, 2024-cü ilin ilk 8 ayında ayında elektrik enerjisi ixracının ümumi dəyəri 57.5 milyon dollara bərabər olub.
Qeyd edək ki, 2025-ci ilin avqust ayı ərzində ixrac edilmiş qeyri-neft sektoruna aid malların siyahısında şaftalı (33 milyon ABŞ dolları) birinci olub. Bu siyahıda qızıl (32 milyon ABŞ dolları) ikinci, pambıq lifi (16,6 milyon ABŞ dolları) isə üçüncü yerdə qərarlaşıb.