Azərbaycan Respublikası Mədəniyyət Nazirliyinin təşkilatçılığı ilə 1-7 oktyabr tarixlərində Bakı Ekspo Mərkəzində XI Bakı Beynəlxalq Kitab Sərgisi keçirilir.
“Tehsil365” xəbər verir ki, bu ilki sərginin fəxri qonaq ölkəsi Qətər Dövlətidir. Bu münasibətlə dost ölkənin mədəniyyət naziri Şeyx Əbdülrəhman bin Həməd əl-Taninin rəhbərlik etdiyi nümayəndə heyəti Azərbaycanda səfərdədir.
Oktyabrın 3-də Azərbaycan Respublikasının mədəniyyət naziri Adil Kərimli və qətərli həmkarı sərgi məkanını gəzib, stendlərlə tanış olublar.
Qətərin stendi ilə tanışlıq zamanı ekspozisiya haqqında ətraflı məlumat verilib. Qeyd olunub ki, sərgi günlərində ziyarətçilər bu körfəz ölkəsinin mədəni irsi, ədəbiyyatı və sənət incilərini tanımaq imkanı əldə edəcəklər.