Hicri 9-cu ildə (miladi 630) Mədinədə münafiqlər özlərinə qərargah məqsədilə Qüba məntəqəsində məscid tikmək istədilər. Peyğəmbərdən icazə istəyən münafiqlər, cavabı Təbuk səfərindən sonra alacaqlarını bilsələr də, sözə qulaq asmayaraq məscidi tikdilər.
“Tehsil365” “islam.az”a istinadən xəbər verir ki, Peyğəmbər Təbuk səfərindən qayıtdıqdan sonra onlardan məscidi ziyarət edib orada namaz qılmağı xahiş etdilər. Lakin həmin zaman nazil olan Tövbə surəsinin 107-108-ci ayələrində bu məscid “Zirar” yəni “zərərli məscid” adlandırıldı.
Peyğəmbərin əmri ilə müsəlmanlar dərhal Zirar məscidini dağıtdı və yandırdı. Məscid heç vaxt fəaliyyət göstərmədi və tarixdə münafiqlərin planlarının uğursuzluğunu simvolizə edən hadisə kimi qaldı.