Məktəbəqədər təhsil uşaqların inkişafında və gələcək təhsil uğurlarında mühüm rol oynayan mərhələdir. Bu baxımdan bölgələrdə məktəbəhazırlıq qruplarının sayı və orada təhsil alan şagirdlərin sayı təhsilin keyfiyyəti və əlçatanlığı haqqında önəmli göstəricidir.
“Tehsil365” xəbər verir ki, Lənkəran-Astara regionunda məktəbəhazırlıq qruplarında 7022 şagird təhsil alır:
"Bu göstərici bölgədə məktəbəqədər təhsilin geniş yayılması və valideynlərin bu mərhələyə göstərdiyi marağın artması ilə bağlıdır.Qruplarda təhsil alan şagirdlərin cinsiyyət bölgüsünə nəzər saldıqda, onların 3 736-sı oğlan, 3 286-sı isə qız şagirdlərdən ibarətdir. Bu göstərici məktəbəhazırlıq təhsilinin həm oğlan, həm də qız uşaqları arasında bərabər səviyyədə qəbul edildiyini və hər iki cins üçün əlçatan olduğunu təsdiqləyir".
Regionda məktəbəhazırlıq təhsilinin inkişafı üçün müvafiq infrastrukturun təkmilləşdirilməsi, müəllim heyətinin ixtisaslı kadrlarla zənginləşdirilməsi və təhsil proqramlarının müasir tələblərə uyğunlaşdırılması istiqamətində işlər davam etdirilir. Bu da gələcəkdə uşaqların təhsilə hazırlıq səviyyəsinin yüksəlməsinə, məktəbə adaptasiyanın asanlaşmasına və ümumi təhsil nailiyyətlərinin artırılmasına xidmət edəcək.