Bu gün — 12 noyabr, tanınmış azərbaycanlı botanika alimi, biologiya elmləri doktoru, professor Validə Xaspolad qızı Tutayuqun vəfatının ildönümüdür.
“Tehsil365” xəbər verir ki, 1914-cü il 23 sentyabrda Şuşada anadan olan Validə Tutayuq, Azərbaycan elminə böyük töhfələr vermiş, xüsusilə botanika sahəsində ölkənin ilk qadın elmlər doktoru kimi tarixə düşmüşdür. O, 1949-cu ildə biologiya elmləri doktoru elmi dərəcəsi almış, bir il sonra isə professor adını qazanmışdır.
Onun elmi fəaliyyəti əsasən Azərbaycanın florasına, bitki örtüyünün sistematikası və ekologiyasına həsr olunmuşdur. 1968-ci ildə Azərbaycan SSR Elmlər Akademiyasının həqiqi üzvü seçilərək elmi ictimaiyyət tərəfindən yüksək qiymətləndirilmişdir.
Validə Tutayuq 1980-ci il 12 noyabrda Gəncə şəhərində vəfat etmişdir. Onun adı bu gün də Azərbaycan elminin inkişafına xidmət etmiş qadın alimlər sırasında böyük hörmətlə çəkilir.